Κοντάκιον. Ἦχος πλ. δ΄. Τῆ Ὑπερμάχῳ.
Τόν ἀνατείλαντα ὡς ἄστρον νεαυγέστατον τῆ Ἐκκλησία τοῦ Χριστοῦ ἀρτίως μέλψωμεν μαρτυρίου ταῖς ἀκτίσι καί θαυμασίων ταῖς βολαῖς νεοφανέντα ιερόαθλον, οὐ ἡφθάρτισε τό σκήνωμα ὁ Ὕψιστος πόθῳ κράζοντες ˙ Χαίροις, μάκαρ Φιλούμενε.
Ἄγγελος οὐρανόφρων ἐποφθείς σύν ἀγγέλοις, Φιλούμενε, χορεύεις ἐν πόλῳ (ἐκ γ΄) νῦν καί κάλλους Χριστοῦ τοῦ Θεοῦ ἀπολαύων πάντων ἐκπληροῖς, ἅγιε, τά δίκαια αἰτήματα τῶν πίστει σοι βοώντων ταύτᾳ
Χαῖρε, ὁ φίλος τοῦ Ζωοδότου,
χαῖρε τό ξίφος τοῦ ἀρχεκάκου.
Χαῖρε, ἱερέων ἐνθέων ἀκρώρεια,
χαῖρε, νεοάθλων ἀνδρείων ὑπόδειγμα.
Χαῖρε, ἄνθος εὐωδέστατον εὐωδίας μυστικῆς,
χαῖρε σκεῦος διαυγέστατον καθαράς διαγωγῆς.
Χαῖρε ὅτι ἀδίκως ἐν ναῶ απεκτάνθης,
χαῖρε ὅτι νομίμως ἐν ἀθλήσει ἐστέφθης.
Χαῖρε, καινόν τῆς πίστεως σέμνωμα,
Χαῖρε, δεινόν ἀπίστων κατάπτωμα.
Χαῖρε, δι΄ου εὐσεβεῖς δυναμούνται,
Χαῖρε, δι΄ου δυσσεβοῦντες τροπούνται.
Χαίροις, μάκαρ Φιλούμενε.
Βλάστημα τῆς Ὀρούντης εὐανθές καί ὡραῖον, ὀδμαίς τῆς σής σεμνῆς πολιτείας ἐκ νεότητος χρόνων τῶν σῶν νῆσον Κύπρον, πάτερ, ἀθλητῶν καύχημα, ἐμύρισας καί ἤγειρας πιστούς ἀξιοχρέως κράζειν
Αληλούϊα.
Γάνυται νῆσος Κύπρος τοῖς σεπτοῖς σου σπαργάνοις, Φιλούμενε, στερρέ νεομάρτυς, καί Μονῇ χαίρει ὡς σου τροφός τοῦ Σταυροβουνίου πρός ζωήν κρείττονα καί μελιρρύτοις ἄσμασι βοᾶ σοι γεγηθυίᾳ ταύτᾳ
Χαῖρε, ἀσκήσεως ἡ κινύρα,
Χαῖρε, φρονήσεως θεία λύρα.
Χαῖρε, τῶν ὁσίων ζηλώσας τά σκάμματα,
Χαῖρε, ὅτι τά ἐγκόσμια ἀπηρνήσω νουνεχώς,
Χαῖρε, ὅτι τά οὐράνια ἐπορίσω θαυμαστώς.
Χαῖρε, ὁ ἐν ἀσκήσει θεαρέστῳ ἐμπρέπων,
Χαῖρε, ὁ ἐν ἀθλήσει γεραρά διαπρέπων.
Χαῖρε, σαρκός κοιμίσας σκιρτήματα,
Χαῖρε, νόος ὑψώσας τόν ἔρωτα.
Χαῖρε, ἐχθροῦ καθαιρέτα ἀπάτης.
Χαίροις, μάκαρ Φιλούμενε.
Δύναμιν δεδεγμένος οὐρανόθεν ἀζύγων χορείαις ἠριθμήθης καί ὤφθης ἐνδιαίτημα ὑπακοῆς καί Θεοῦ σοφίας φωτεινόν μέλαθρον ἐκ χρόνων σου νεότητος Κυρίῳ ἀσιγήτως ψάλλων
Αληλούϊα.
Ἔλαμψας ἐν τοῖς δήμοις Παναγίου τοῦ Τάφου Χριστῷ εὐαρεστήσας ὁσίως καί ὀδόν ἠξιώθης στενήν διανύσαι, πάτερ, ἀρετῶν ἔσοπτρον, Φιλούμενε, ἀθλήσεως διό σοι ἐκβοῶμεν πίστει
Χαῖρε, ὁ λύχνος ἀοργησίας,
Χαῖρε, ὁ τύπος τῆς ἐγκρατείας.
Χαῖρε, ὁ εὐφράνας πιστῶν τήν ὁμήγυριν,
Χαῖρε, ὁ πατήσας ἀπίστων ἀπίστων τήν ἔπαρσιν.
Χαῖρε, σκάμμασιν ἀθλήσεως ὁ σφραγίσας σήν ζωήν,
Χαῖρε, αἵμασιν ἰδίοις σου ἐπιχρώσας σήν Μονήν.
Χαῖρε ὅτι ἀνόμων ταῖς χερσίν απεκτάνθης,
Χαῖρε, ὅτι βαρβάρων τήν μανίαν ὑπέστης.
Χαῖρε, λαμπτήρ ἐνθέου βιώσεως,
Χαῖρε κρατήρ ἀγάπης τῆς κρείττονος.
Χαῖρε, χαρά Σαμαρείας καί κλέος,
Χαῖρε, ἀρά τοῦ Βελίαρ καί μένος.
Χαίροις, μάκαρ Φιλούμενε.
Ζέοντα ἔχων πόθον εἰς αἰῶνα συνεῖναι Χριστῷ τῷ Βασιλεῖ τῶν ἁπάντων ὑπερόπτης ἐπώφθης φθαρτῶν καί ματαίων, πάτερ, ἀρετῆς πρόβολε, Φιλούμενε, ἑκάστοτε ζηλῶν τά ἐν Ἐδέμ καί κράζων
Αληλούϊα.
ᾜσχυνας τόν Βελίαρ σή ἐνθέῳ ἀσκήσει, Φιλούμενε, ἐν τῆ Σαμαρείᾳ καί σεπτῇ Μάνδρα ὑπηρετῶν Ιακώβ ἐσχάτοις ἐν καιροῖς Φρέατος θεόθεν ἤντλεις δύναμιν διό σοι εὐθαρσῶς βοῶμεν
Χαῖρε, λευΐτης τῆς Σαμαρείας,
Χαῖρε, ὁ μύστης τῆς Ἐκκλησίας.
Χαῖρε, ὁ βιώσας ζωήν ἰσουράνιον,
Χαῖρε, ὁ τρυγήσας καρπόν τόν ἀθάνατον.
Χαῖρε, στέφος χρυσοποίκιλτον Φρέατος τοῦ Ιακώβ,
Χαῖρε, δένδρον εὐθαλέστατον εξανθίσαν ἐν Σίων.
Χαῖρε, ὁ συνοικήσας ἀρετή ψυχοτρόφῳ,
Χαῖρε, ὁ ἀγαπήσας τόν Χριστόν ολοθύμως.
Χαῖρε, ὁ ὕδωρ ἀντλήσας σωτήριον,
Χαῖρε, τό ἄνθος ἀγάπης τό ἥδιστον.
Χαῖρε, πιστῶν ὁ εὐφραίνων τόν δῆμον,
Χαῖρε, ἡμῶν ὁ τήν πίστιν κρατύνων.
Χαίροις, μάκαρ Φιλούμενε.
Θεῖε Κτίστου θεράπων, τοῦ φωτός τοῦ ἀΰλου, Φιλούμενε, ὑπάρχεις θεάμων ὡς ὁσίων ἀνδρών ζηλωτής καί μαρτύρων νέων θησαυρός ἄσυλος ˙ διό σήν μνήμην σέβοντες βοῶμεν τῷ Θεῶ τῶν ὅλων ˙
Αληλλούϊα.
Ἴσος κλεινῶν μαρτύρων πεφηνώς, νεομάρτυς Φιλούμενε, τῶν πάλαι λαμψάντων άπεκτάνθης ἀνόμοις χερσίν ἐν ἐσχάτοις χρόνοις, ὁ Χριστός πάντοτε αὑτός ἐχθές καί σήμερον δεικνύων καί βοᾶν σοι πείθων
Χαῖρε, ἡ τρῶσις τοῦ παμβεβήλου,
Χαῖρε, ἡ ῥῶσις λαοῦ Κυρίου.
Χαῖρε, οὐρανίου χαράς ὁ συναίτιος,
Χαῖρε, τῆς ἐνθέου σοφίας ὁ σύνοικος.
Χαῖρε, ὅτι τούς καλοῦντας σε ἁγιάζεις μυστικῶς,
Χαῖρε, ὅτι τούς ὑμνοῦντας σε εὐλογεῖς διηνεκῶς.
Χαῖρε, τῆς Ἐκκλησίας ὁ νεόδμητος πύργος,
Χαῖρε, τῆς ἐγκρατείας τό νεόφυτον ἔρνος.
Χαῖρε, Χριστοῦ φιλίας ἐπώνυμος,
Χαῖρε, ἐχθροῦ ὁ σκόλωψ ὁ πάνδεινος.
Χαῖρε, ἀμνός ὁ τῆς πίστεως θεῖος,
Χαῖρε, πυρσός τῆς ἀγάπης ὁ νέος.
Χαίροις, μάκαρ Φιλούμενε.
Καύχημα νεοάθλων, ὤσπερ ἄμωμον θύμα, Φιλούμενε, Χριστῷ προσηνέχθης καί δεξάμενος στέφος χρυσοῦν παρ΄Αυτού ἀφθάρτου βιοτῆς, ἅγιε, σύν τοῖς Ἀγγέλοις πάντοτε Αὑτῷ ἀδιαλείπτως ψάλλεις ˙
Αληλούϊα.
Λάμπων ὡς νέος λύχνος οὐρανόφωτος, μάκαρ Φιλούμενε, ἐν τῆ Σαμαρείᾳ κατεφώτισας σαῖς ἀστραπαῖς ἀγωγῆς ἀμέμπτου καί στερρᾶς, ἔνδοξε, ἀθλήσεως τούς ᾄδοντας νῦν ὕμνοις σοι φαιδροῖς τοιαῦτα
Χαῖρε, τό σέλας ὁσίων πόνων,
Χαῖρε, τό κέρας τῶν νεοάθλων.
Χαῖρε, ὁ φανός ἀρετῆς ὁ νεόφωτος,
Χαῖρε, ὁ λαμπρός Ἐκκλησίας διάκοσμος.
Χαῖρε, λίθος ὁ στερέμνιος ἄθλων τῶν ἀσκητικῶν,
Χαῖρε, ὅτι ἀδίκως ἄρτι ἐσφαγιάσθης,
Χαῖρε, ὅτι ἐνδόξως τῷ Κυρίῳ μετέστης.
Χαῖρε, διδούς χαράν τοῖς σοῖς πρόσφυξι,
Χαῖρε, πιστούς εὐφράνας σοῖς σκάμμασι.
Χαῖρε, ψυχῆς ὁ ἐκφαίνων ἀνδρείαν,
Χαῖρε, ἐχθροῦ ὁ ἐκτρέπων μανίαν.
Χαίροις, μάκαρ Φιλούμενε.
Μνήμην σου ἐκτελοῦντες τοῦ σεπτοῦ μαρτυρίου, Φιλούμενε ἐκθύμως βοῶμεν ˙ μή ἐλλίπῃς Χριστόν δυσωπῶν ἀσινεῖς φυλάττειν τοῦ ἐχθροῦ ἅπαντας μανίας τούς ἱκέτας σου τούς νῦν τῷ Λυτρωτῇ φωνοῦντας ˙
Αληλούϊα.
Νέε ἱερομάρτυς, τό σόν πάνσεπτον σκῆνος, Χριστός ὅπερ ἡφθάρτισε πόθῳ προσκυνοῦντες ἐν Μάνδρα Σίων εὐθαρσῶς φωνοῦμεν ˙ ἀθλητά ἔνδοξε, ἁγίασον σούς πρόσφυγας τούς ὕμνοις μελιχροῖς βοῶντας
Χαῖρε, ὁ βότρυς χρηστοηθείας,
Χαῖρε, ὁ λύτης τῆς ἀκηδίας.
Χαῖρε, ἀσθενούντων θεόσδοτος ἴασις,
Χαῖρε, θλιβομένων ταχείᾳ ἀνάψυξις.
Χαῖρε, ἄρωμα τῆς χάριτος ὁ ἐκχέων τοῦ Θεοῦ,
Χαῖρε, σκήνωμα σεμνότητος καί ἀγάπης Ἰησοῦ.
Χαῖρε, ἱερωσύνην τῆ ἀθλήσει συνάψας,
Χαῖρε, σθένος καί ῥῶσιν ἀθλητῶν ὁ ἐκλάμψας.
Χαῖρε, ἠθῶν ἀμέμπτων κιννάμωμον,
Χαῖρε, κανών βιοτῆς ἰσαγγέλου,
Χαῖρε, λειμών ἀγωγῆς θεαρέστου.
Χαίροις, μάκαρ Φιλούμενε.
Ξένων πέλεις θαυμάτων αὐτουργός, θεοφόρε Φιλούμενε, τῶν σοι προστρεχόντων καί τό σκήνωμα σου τό σεπτόν προσκυνούντων πόθῳ ἐν Σίων, ἅγιε, τό βλύζων πᾶσι νάματα ἰάσεων τοῖς ἐκβοῶσιν ˙
Αληλούϊα.
Ὅλος λελαμπρυσμένος θεϊκαῖς ἀγλαΐας ἐφίστασαι Ἁγίοις τοῖς Τόποις καί σήν ἄφθονον χάριν ἀεί εὐσεβέσι νέμεις, ἀθλητά πάντιμε, Φιλούμενε, τοῖς πόθῳ σοι κραυγάζουσιν ἐν κατανύξει
Χαῖρε, τό φέγγος τῶν ἱερέων,
Χαῖρε, τό φάος τῶν μονοτρόπων.
Χαῖρε, τῆς ἀΰλου εὐκλείας θησαύρισμα,
Χαῖρε, οὐρανίου σοφίας ἐναύλισμα.
Χαῖρε, ὕψος ἐγρηγόρσεως, νήψεως καί προσευχῆς,
Χαῖρε, βάθος ταπεινώσεως καί στερράς ὑπομονῆς.
Χαῖρε, σφάγιον νέον μιαιφόνων δολίων,
Χαῖρε, λείριον θεῖον ἀθλοφόρων εὐψύχων.
Χαῖρε, ψυχῆς ἀνδρείας ἀμάρυγμα,
Χαῖρε, σεπτῆς ἀθλήσεως αὔγασμα ˙
Χαῖρε, ὀφρύν παρανόμων πατήσας,
Χαῖρε, πηγήν ὁ θαυμάτων εκβλύσας.
Χαίροις, μάκαρ Φιλούμενε.
Πρέσβευε τῷ Κυρίῳ ὑπέρ πάντων τιμώντων, Φιλούμενε, σήν πάντιμον μνήμην καί ἐκπλήρου ἡμῶν τῶν πιστῶν προσκυνούντων σκήνωμα τό σόν δίκαια αἰτήματα τῶν ἄσμασι ψαλλόντων τῷ Δωρεοδότη ˙
Αληλούϊα.
Ῥείθροις δεήσεων σου πρός τόν Κύριον σβέσον παφλάζουσαν ὀδύνην ψυχῆς μου καί παράσχου μοι ἀναψυχήν θείαν, ἀθλοφόρε νεαυγές πίστεως, Φιλούμενε, κραυγάζω σοι, ὡς ἀν πανευλαβῶς βοῶ σοι
Χαῖρε, μαρτύρων ὁ δόξαν φέρων,
Χαῖρε, παμφώτων δάς ἱερέων.
Χαῖρε, Σαμαρείας προστάτης ἀκοίμητος,
Χαῖρε, τῆς χορείας Ἀγγέλων ὁ σύσκηνος.
Χαῖρε, ὅτι πάντας κάμνοντας ἐνισχύεις ἀκλινῶς,
χαῖρε, ὅτι τάχος στένοντας ἀναψύχεις θαυμαστώς.
Χαῖρε, ὁ διαλύσας ἀνομίας τό κράτος,
Χαῖρε, ὁ καταπαύσας πάν χαμαίζηλον πάθος.
Χαῖρε, πολλῶν θαυμάτων κεφάλαιον,
Χαῖρε, πιστῶν διάδημα τίμιον.
Χαῖρε, σεμνῶν λευϊτῶν κοσμιότης,
Χαῖρε, εἰκών ἀθλητῶν καί λαμπρότης.
Χαίροις, μάκαρ Φιλούμενε.
Σῶσον τῆς πανουργίας πλάνου Ἁγιοταφίτας καί πάντα προσκυνοῦντας σόν σκῆνος τό βλυστάνων πιστοῖς θαυμαστώς ἰαμάτων ῥεῖθρα, ἀθλητά ἄριστε, Φιλούμενε, πρεσβείαις σου πρός Κύριον, Ὦ ᾖδες πόθῳ ˙
Αληλούϊα.
Τεῖνον σήν θείαν χεῖρα καί εὐλόγησον πάντας τιμῶντας σε, Φιλούμενε μάκαρ, νεομάρτυς Χριστοῦ εὐσταλές, δωρεῶν ἐνθέων ἱερόν κάνιστρον, ὡς ἀν τήν σήν ἐνάθλησιν γεραίρωμεν τρανώς βοῶντες
Χαῖρε, μυράλειπτρον τῶν χαρίτων,
Χαῖρε, λευκάνθεμον θαυμασίων.
Χαῖρε, ἀπαθείας ἡ κέδρος ἡ εὔοσμος,
Χαῖρε, ἀφθαρσίας εὐώδης κυπάρισσος.
Χαῖρε, ὅτι τήν ἰκμάδα σου αφιέρωσας Χριστῷ,
Χαῖρε, ὅτι θείοις ἔργοις σου καταβέβληκας ἐχθρόν.
Χαῖρε, ὁ μετά πότμον ξένως θαυματουργήσας,
Χαῖρε, ὁ θεῖον κρίνον ἰαμάτων ἀνθήσας.
Χαῖρε, ψυχῶν δροσίζων τόν καύσωνα,
Χαῖρε, ἡμῖν πορίζων τά πρόσφορα.
Χαῖρε, ἡμῖν ἐν τῷ βίῳ ἀρήγων,
Χαῖρε, ἀεί τάς ἰάσεις παρέχων
Χαίροις, μάκαρ Φιλούμενε.
Ὕψος εἰς ἀπαθείας ἐπαρθείς, ἀθλοφόρε Φιλούμενε, πανάρρητον χαίρων κατεδέξω τραυμάτων πληθύν, σιαγόνος θλάσιν, ὀφθαλμοῦ θείου σου ἐξόρυξιν καί θάνατον φρικτόν εἰλικρινῶς κραυγάζω ˙
Αληλούϊα.
Φύλαττε τούς Πατέρας Παναγίου τοῦ Τάφου καί πάντας εὐσεβεῖς σής πατρίδος τῆς Ὀρούντης ἐν Κύπρῳ, σοφέ, ἐξ ἐχθρῶν μανίας καί δεινῶν θλίψεων, Φιλούμενε πανένδοξε, ὡς ἀν σοι ἐν χαρά βοῶμεν
Χαῖρε, πιστῶν ἀτίνακτος πύργος,
Χαῖρε, ἐχθρῶν συντρίψας τό θράσος.
Χαῖρε, Σαμαρείας φρουρός ἀσφαλέστατος,
Χαῖρε, Ἐκκλησίας ἀνύστακτος ἔφορος.
Χαῖρε, στήριγμα θεόσδοτον Ὀρθοδόξων εὐσεβῶν,
Χαῖρε, καύχημα περίδοξον ταπεινῶν προσκυνητῶν.
Χαῖρε, ὅτι βραβεύεις χάριν σε προσκυνοῦσι,
Χαῖρε, ὅτι παρέχεις σθένος σε ἀνυμνοῦσι.
Χαῖρε, Θεοῦ ἐκφαίνων τήν εὔκλειαν,
Χαῖρε, ἐχθροῦ ἐκτρέπων τήν ἄνοιαν.
Χαῖρε, Σίων ἱερόν ἰατρεῖον,
Χαῖρε, παθών τήν ἐνέργειαν φλέγων.
Χαίροις, μάκαρ Φιλούμενε.
Χάριτας ἀναβλύζει τό σόν ἄφθαρτον σκῆνος καί θείαν ἀγαλλίασιν πᾶσι προσκυνοῦσιν αὑτό εὐλαβῶς καί καθαγιάζει τά ἡμῶν σώματα τῶν πίστει ἀνυμνούντων σε καί ᾄδουσι τῷ Ζωοδότῃ
Αληλούϊα.
Ψάλλοντες διαθέρμως τούς σεπτούς σου καμάτους ὑμνοῦμεν τήν δοθεῖσαν σοι χάριν καί σκηνώματι σου τῷ σεπτῷ παρεστῶτες θείαν ἀρωγήν, ἅγιε τήν σήν ἐπιβοώμεθα, ἤν δίδου τοῖς πιστῶς βοῶσι
Χαῖρε, ὁ θεῖος ἱεροφάντης,
Χαῖρε, ὁ νέος πιστῶν προστάτης.
Χαῖρε, οὐρανίου παστάδος ὁ ἔνοικος,
Χαῖρε, τρισηλίου ἐλλάμψεως ἔμπλεως.
Χαῖρε, θέμεθλος νεόδμητος οἴκου ἀγωνιστικοῦ,
Χαῖρε, πρόβολος ἀτίνακτος ευσεβόφρονος λαοῦ.
Χαῖρε, σύν Ελπιδίω ὁ Χριστόν ἀγαπήσας,
Χαῖρε, σύν αὐταδέλφῳ σῶ Αὑτόν ὁ ποθήσας.
Χαῖρε, δεινῶν παθών ολετήριον,
Χαῖρε, ἡμῶν ἐν ταῖς λύπαις προσφύγιον.
Χαῖρε, θερμός εὐσεβῶν παραστάτης,
Χαῖρε, καμού ἐν κινδύνοις προστάτης.
Χαίροις, μάκαρ Φιλούμενε.
Ὦ Φιλούμενε μάκαρ, νεαυγέστατον ἄστρον Χριστοῦ τῆς παμφαοῦς Ἐκκλησίας, (ἐκ γ΄) τό ἐκλάμπον θαυμάτων βολαῖς, τάς αἰτήσεις πλήρου τῶν πιστῶς πάντοτε σπευδόντων τῆ σή χάριτι καί ἄσμασι φαιδροῖς βοώντων
Αληλούϊα.
Καί αὖθις τό Κοντάκιον.
Ἦχος πλ. δ΄. Τῆ Ὑπερμάχῳ.
Τόν ἀνατείλαντα ὡς ἄστρον νεαυγέστατον τῆ Ἐκκλησία τοῦ Χριστοῦ ἀρτίως μέλψωμεν μαρτυρίου ταῖς ἀκτίσι καί θαυμασίων ταῖς βολαῖς νεοφανέντα ιερόαθλον, οὐ ηφθάρτισε τό σκήνωμα ὁ Ὕψιστος πόθῳ κράζοντες Χαίροις μάκαρ Φιλούμενε.
Δίστιχον.
Χαῖρε, Φιλούμενε μάρτυς, Χαραλάμπης
Σύν τῷ ἐπισκόπῳ βοᾶ Νεοφύτῳ